ශ්රී ලංකාවට ආනයනය කරන BYD වාහන සඳහා බදු අය කිරීමේ විෂමතාවයක් පවතින බව SJB පාර්ලිමේන්තු මන්ත්රී මුජිබර් රහුමාන් පවසයි.
පාර්ලිමේන්තුව අමතමින් ඔහු පැවසුවේ නවතම මාදිලි රටට ආනයනය කිරීමේදී අඩු බදු අය කිරීමෙන් BYD වාහන බද්දෙන් නිදහස් කිරීමේ ජාවාරමක් සිදු කර ඇති බවට බරපතල සැකයක් පවතින බවයි.
“BYD කියලා අලුත්ම වාහනයක් රට තුළට එනවා. ඒ වාහනය ආනයනය කරන සමාගම, BYD කියලා, ATTO 3 කියලා වාහනයක් ආනයනය කරනවා. ආනයනය කරන වාහනයේ කිලෝවොට් 100ක් තියෙනවා කියලා සඳහන් වෙනවා. ඒ අලුත්ම කිලෝවොට් 100 වාහනයට මිලියන 5.5ක බදු අය කරනවා. ඊළඟට පාවිච්චි කළ BYD ATTO 3 වාහනයකට. ඒ පාවිච්චි කළ වාහනයට මිලියන 10ක බදු අය කරනවා.
නමුත් ඒකෙ තියෙන ගැටලුව තමයි පාවිච්චි කළ වාහනය කිලෝවොට් 150ක් ලෙස ලියාපදිංචි කරලා තියෙන්නේ. එතකොට අලුත්ම වාහනය කිලෝවොට් 100ක් ලෙස ලියාපදිංචි කරනවා. ඒ අලුත්ම වාහනයට මිලියන 5.5ක බදු අය කරනකොට, ඒ පාවිච්චි කළ වාහනයට මිලියන 10ක බදු අය කරනකොට, බදු වලින් මිලියන 4.5ක හිඟයක් තියෙනවා.
ඒ වාහන ආනයනය කරන ප්රධාන සමාගමට රජය සමඟ සම්බන්ධයක් තියෙනවද කියලා අපි දන්නේ නැහැ. ඒ කන්ටේනරය එළියට ගියා වගේම මේකත් අඩු බදු අය කරලා එළියට ගියා. “
අපි BYD වෙබ් අඩවියට ගිහින් බැලුවම කිව්වා BYD ATTO කියලා. 3 වාහනයක් කිලෝවොට් 150ක්. කිලෝවොට් 100ක වාහන මාදිලියක් නැහැ. නමුත් වරායෙන් පිටව යන විට, අලුත්ම වාහනය කිලෝවොට් 100ක් කියලා කියනවා, ඒ වගේම ලක්ෂ 55ක් බදු ගෙවනවා. නැවත සකස් කළ වාහනය කිලෝවොට් 150ක්, ඒ වගේම ලක්ෂ 10ක් බදු ගෙවනවා. ඉතින් ඒක කොහොමද වෙන්නේ? කවදාවත් මෙහෙම වෙන්න බෑ.”
One thought on “BYD ආනයනවල දැවැන්ත බදු වංචාවක් – පාර්ලිමේන්තු මන්ත්රී මුජිබර් රහ්මාන් –”