ජර්මනියේ පැවැත්වෙන ලෝක විශ්ව විද්යාල ක්රීඩා උළෙලේ මීටර් 5000 අවසන් තරගයට ශ්රී ලංකාවේ රසාර විජේසූරිය සුදුසුකම් ලබා තිබෙනවා. අද (24) පැවති සුදුසුකම් ලැබීමේ තරගයේදී විනාඩි 16:00.30 කින් 7 වන ස්ථානයට පත්වීමෙන් පසු ඇය මෙම අවස්ථාව ලබා ගත්තාය.
රසාරාගේ මෙම කාලය ඇයගේ පෞද්ගලික හොඳම කාලය වන අතර ශ්රී ලංකාවේ කාන්තා ක්රීඩිකාවක් විසින් මලල ක්රීඩා ඉතිහාසයේ දෙවන හොඳම කාලයයි.
ඊයේ පැවති මීටර් 10000 ඉසව්වට රසාර සහභාගී වූ අතර එහිදී ඇය විනාඩි 32:52.20 කින් තරඟය අවසන් කරමින් නව ශ්රී ලංකා වාර්තාවක් පිහිටුවීය.
කෙසේ වෙතත්, ඇය විසින්ම පිහිටුවා තිබූ වාර්තාවක් බිඳ දැමූ අතර එය මේ වසරේ දෙවරක් බිඳ දමා තිබුණි.
මෙම තරගයේදී රසාර කැලණිය විශ්ව විද්යාලය නියෝජනය කරයි.
මෙවර ලෝක විශ්ව විද්යාල ක්රීඩා උළෙල පසුගිය 16 වන දින ආරම්භ වූ අතර එය 27 වන දින අවසන් වීමට නියමිතය.
රටවල් 113 ක් නියෝජනය කරමින් ක්රීඩක ක්රීඩිකාවන් 7,000 කට වැඩි පිරිසක් සහභාගී වෙති.
ඔවුන් ක්රීඩා 18 ක් පුරා ඉසව් 234 ක් සඳහා තරඟ කිරීමට නියමිතය.